Gure Suspertze Funtzionaleko Unitatean egindako lana, funtsean, eguneroko jarduerak hobetzera eta erorikoak prebenitzera bideratuta dago. Gure Suspertze Funtzionaleko Unitatea aitzindaria da Nafarroan, eta gaur egun era horretako bakarra da Foru Komunitatean. Zer helburu dituzte gure pazienteek gure unitatera iristen direnean?
Gaixotasun ahulgarri bat izan ondoren edo ospitaleratu ondoren berriro autonomoa izatea.
Berriz ere erorikorik ez izatea.
Berriz ere kalera paseotara ateratzea.
Neure etxean bizitzen jarraitzea.
Nortzuk sar daitezke SFUn?
Honako egoera hauetan dagoen 75 urtetik gorako pertsona, edo 60 urtetik gorakoa, baldin eta bere autonomian eragin funtzionala izan duten gaixotasun kronikoak baditu:
- Ospitaleratu beharrik izan ez duen gaixotasun gutxi-asko hutsal baten ondorioz, autonomia galdu duen (ezin ditu ohiko jarduerak egin) edo ahultasun handia duen pertsona.
- Ageriko arrazoiren batekin edo gabe, erorikoak izaten dituen pertsona. Erorketa guztiak aztertu egin behar dira, beti baitaude horrelakoak eragiten dituen edo dituzten arrazoi bat edo batzuk (botikak, artikulazio-arazoak, kardiologikoak).
- Erortzeko beldurra, pertsonak bere ohiko zereginak egiteari uzten dionean, etxetik ateratzea, oinez ibiltzeko modua pixkanaka okerragotuz.
- Ibileraren ezegonkortasuna (beti bezala ez ibiltzea); adibidez, negu luze bat etxetik atera gabe eman ondoren.
- Gaixotasun osteoartikularra (artrosia).
- Hausturak: aldaka, ornoa (zapalketa edo haustura) edo belauneko protesi bat jartzea.
- Hauskortasun-sindromea diagnostikatu izana.
- Arazo neurologikoak: Parkinson gaixotasuna, iktusa.
Nolakoak dira Berreskurapen Funtzionaleko Unitatearen saioak?
Suspertze jarduerak talde txikitan egiten dira, talde bakoitzean gehienez 7 lagun arituta. Horri esker, talde lanak egin daitezke edo berariazko lanak pertsona bakoitzarentzat.
Saioak astean 2-3 egunetan egiten dira, pertsona bakoitzak behar duen lan-intentsitatearen arabera, eta 3 orduko iraupena dute saio bakoitzeko.
Autonomia berreskuratzeko denbora 1-3 hilabete bitartekoa da, eragilearen arabera eta pertsonaren bilakaeraren arabera, eta ohikoena 2 hilabeteko egonaldiak egitea da.
Zergatik da beharrezkoa balorazio medikoa, terapia okupazionalekoa eta fisioterapiakoa?
Adinekoen narriadura funtzionalaren kausak ez direlako bakarrak, beti daude elkarri lotuta dauden kausa bat baino gehiago. Arrazoi guztiak batera aztertzen ez baditugu, pertsonak aukera gutxiago izanen ditu (edo bat ere ez) suspertzeko eta hobekuntzari denboran zehar eusteko.
- Balorazio medikoa: beharrezkoa denean, tratamendua doitzen da (sendagai batzuen eraginez, baldarrago gabiltza, erorikoak izaten ditugu, gaizki egiten dugu lo), eta era berean, oharkabean pasatu ahal zian diren gaixotasunak edo egoerak bilatu eta artatzen dira (elikadura txarra, muskulu-masa galtzea, bihotzeko baldintzak edo baldintza neurologikoak). Adinekoek heldu gazteek ez bezalako sintomak dituzte; izan ere, askotan, gaixotasun baten lehen sintoma izaten da baldarrago egotea eta eguneroko jarduerak egiteko gaitasuna galtzea.
- Balorazio funtzionala (mediku geriatra, terapeuta okupazionala eta fisioterapeuta): baloratzen da pazienteak aurrez zer gaitasun zituen eta gaur egun zer errendimendu duen, eskala desberdinen bidez, eta helburuak eta banakako ekintza-plana ezartzen dira. Garrantzitsua da, halaber, pazientearen ingurunearen balorazioa egitea, ingurunea (bere etxea) haren beharretara egokitzeko, eguneroko jarduerak segurtasunez egin ditzan ahalbidetuz, etxean erortzeko arriskua minimizatuz.
Nor dira kide Suspertze Funtzionaleko Unitateko Diziplinarteko Taldean?
- Mediku geriatra.
- Terapeuta okupazionala.
- Fisioterapeuta.
- Erizaina.
- Erizaintzako laguntzailea.
- Gizarte-langilea.
Non egiten da jarduera?
Suspertze funtzionalerako berariazko aretoan.
Gimnasioan.
Nola sar daiteke zerbitzuan?
- Norberak eskatuta, 948563850 zenbakira deituz edo gure web-galdetegiaren bidez.
- Josefina Arregui Klinikako mediku geriatrak, neurologoak edo psikiatrak eskatuta.
- Lehen laguntzako medikuak (Osasun Etxea), beste mediku espezialista batzuek edo beste profesional batzuek (fisioterapeutak, terapeuta okupazionalek) iradokita.
Lotutako informazio-arloak
Klinika Psikogeriatrikoa
Altsasu
Erburua kalea z/g
948 563 850
info@josefinaarregui.com
Astelehenetik ostiralera: 09:00 – 16:30Arreta Psikogeriatrikoko Zentroa
Iruñea
Cordovilla poligonoa, B kalea848 46 33 46info@josefinaarregui.comAstelehenetik ostiralera 09:00 – 13:00Astelehenak eta astearteak 16:00 – 19:00
Arreta Psikogeriatrikoko Zentroa
Gasteiz
Reina Sofía etorb, 23848 46 38 48info@josefinaarregui.comAstearteak: 16:00 – 20:00
Enpresa horrek Nafarroako Gobernuaren diru-laguntza jaso du lehiakortasuna hobetzeko 2019ko laguntzen deialdiaren babesean.
Enpresa honek Eskualde Garapeneko Europako Funtsak %50ean kofinantzatutako laguntza jaso du, Nafarroako 2014-2020 FEDER Programa Operatiboaren bidez.
Enpresa horrek Nafarroako Gobernuaren diru-laguntza jaso du eraginkortasun energetikoa, energia berriztagarrien ezarpena eta mugikortasun jasangarria sustatzeko 2021ko laguntzen deialdiaren babesean.
Entitate honek Nafarroako Gobernuaren laguntza jaso du, Eskualde Garapeneko Europako Funtsarekin batera finantzatua, Nafarroako FEDER 2021-2027 Programa Operatiboaren bidez.
Enpresa hau egokituta RGPD eta LOPD GDD dago.