Zerbitzu hitzartuak

Nafarroako Osasun Zerbitzuarekin/Osasunbidearekin hitzartua. Gaur egun, Josefina Arregui Klinikak 21 ohe ditu ospitaleratuta egoteko, egonaldi ertaineko larrien erregimenean, guztiak ere Osasunbidearekin hitzartuta.

Hona ospitaleratzeko irizpideak, guztiak bete behar dira:

• Narriadura kognitiboaren edo dementziaren susmoa duten pertsonak, edo dementzia-diagnostikoa ezarria dutenak (alzheimerra, Lewyren gorputzen dementzia, dementzia fronto-tenporala…).
• Sintoma neuropsikiatrikoen presentzia: jokabide-asaldurak (egonezina, oldarkortasuna, zainketak arbuiatzea), aldarte-asaldurak, eldarniozko ideiak, haluzinazioak edo lo-arazoak. Sintoma horiek, askotan, asko eragozten edo zailtzen dute pazientearen ongizateari eustea, hura zaintzea eta bizikidetza.
• Sintoma horiek modu anbulatorioan konpontzeko ezintasuna.

Nola sartu ospitaleratze unitatean?

Ospitaleratze unitatearen % 100 Nafarroako Osasun Zerbitzuarekin hitzartuta dagoenez, gaur egun sarbide bakarra da sare publikoko profesional mediko hauek zuzenean hara bideratzea:

• Familia-medikua (Familia eta Komunitateko Medikuntza)
• Mediku geriatra.
• Mediku neurologoa.

Gizarte Ongizatea-rekin hitzartua: Pertsonen Autonomiarako eta Garapenerako Nafarroako Agentzia (ANADP).

Gaur egun, Josefina Arregui Klinikak 25 leku ditu eguneko arretarako bere Eguneko Zentroan, guztiak ANADP agentziarekin hitzartuak.

Sartzeko irizpideak (ez da beharrezkoa guztiak betetzea):

• 65 urtetik gorakoak izatea. Salbuespen gisa, dementzia goiztiarren bat edo desgaitasun larriren bat duten 65 urtetik beherako pertsonak onartzen dira.
• Autonomia funtzionalean eta pertsonalean zailtasunen bat izatea, desgaitasun eta/edo mendetasun maila handiago edo txikiagorekin.
• Narriadura kognitiboa edo dementzia izatea.
• Nahasmendu psikiatrikoren bat izatea.
• Isolamendu-egoera izatea.
• Etxean bizitzen jarraitu ahal izateko gizarte eta familia euskarria izatea.

Nola sar daiteke Eguneko Zentroko Zerbitzuan?

Gomendatzen da familia harremanetan jartzea oinarrizko gizarte-zerbitzuetako edo inguruko osasun etxeetako gizarte-langileekin. Azalduko diete zer-nolako laguntza ekonomiko publikoak jaso ditzaketen zerbitzua eskuratzeko.

Senideek ere zuzenean eska dezakete zerbitzua, gure gizarte-langilearen bidez.

Joan al naiteke Eguneko Zentrora, plaza hitzarturik ez badut?

Bai. Pertsonen Autonomiarako eta Garapenerako Nafarroako Agentziak (ANADP) zerbitzuari lotutako laguntza bat ematen die Eguneko Zentrora joan nahi dutenei, mendetasun-balorazioa jaso dutenei eta oraindik plaza hitzarturik ez dutenei.

Mendekotasun-baloraziorik ez badago, eta, beraz, ANADP agentziaren laguntza ekonomikorik ez badago, plaza pribatu bat lor daiteke.