REMI proiektua Ysium Medical, Data Value Management eta Josefina Arregui Fundazio-Klinikak garatu dute, ADACENen lankidetzarekin. 2023ko irailaren 1etik 2025eko uztailaren 31ra bitartean burutu da. Helburua izan da sentsoreetan eta Adimen Artifizialeko (AA) algoritmoetan oinarritutako tresna analogiko-digital bat ikertzea eta garatzea, narriadura kognitiboa duten pertsonen gaitasun kognitiboak indartzeko jarduera pertsonalizatu eta irisgarrien bidez.
Proiektu honek urrats garrantzitsua dakar Klinikaren bidean, arreta soziosanitario berritzaileago, teknologikoago eta pertsonarengan zentratua lortzeko, zahartze aktiboaren eta osasunaren digitalizazioaren egungo erronkei erantzunez.
Emaitza nagusien artean nabarmentzekoa da prototipo fisiko funtzional baten garapena, gailuaren balidazioa narriadura kognitibo maila ezberdinetako erabiltzaileekin, eta interakzio-metrikak biltzen dituen datu-base egituratu baten sorrera. Horrez gain, machine learning-eko ereduak aplikatu dira, errendimendu kognitiboaren ereduak aztertzeko eta estimulazioa modu pertsonalizatuan egokitzeko.
Proiektu pilotu izaera izan duen arren, emaitzek erakusten dute tresnaren bideragarritasuna eta potentzial handia etorkizuneko balidazio eta eskalatze faseetarako.
Etorkizunera begira, REMI osasun digitalaren eta neuroerrehabilitazioaren arloan irtenbide aitzindaria da, jokoa, teknologia eta ikerketa uztartuz narriadura kognitiboa duten pertsonen bizi-kalitatea hobetzeko eta haien zaintzaileei zein profesionalei patologia horien ebaluazio eta tratamenduan laguntzeko.
Proiektu hau Eskualde Garapenerako Europako Funtsak (EGEF) eta Nafarroako Gobernuak kofinantzatu dute, 2021–2027 EGEF Programa Eragilearen eta 2023ko I+G proiektuak egiteko dirulaguntzen deialdiaren bidez.
Erburua kalea z/g
948 563 850
info@josefinaarregui.com
Astelehenetik ostiralera: 09:00 – 16:30
