Eskubide Sozialetako kontseilaria Josefina Arregui Klinikako arduradunekin bildu da

Bileran, Josefina Arregui Klinikako ordezkariek Klinikaren egoera berria azaldu zioten Eskubide Sozialetako kontseilariari. Etapa berri honetan, norabidea aldatu da, eta helburua da kalitate handiko zerbitzua eskaintzen jarraitzea, klinikaren erabiltzaileen eta haien familien ongizatea hobetzeko. Horren haritik, Klinika une honetan egiten ari den eraldaketa digitala azaldu zuten. Ospitaleratze Unitatearen erizaintza-kontrola erraztu eta hobetzea ahalbidetuko duen eraldaketa da, gela guztietako eta kontrol-eremuetako konektibitatearen bidez, bai eta pazienteen datu guztien digitalizazioaren bidez ere. Digitalizazioari esker, klinikak pazienteen kontrola eta jarraipena hobetu ahal izanen ditu, paziente herratueak kontrolatuz eta Eguneko Zentroko nahiz Ospitaleratze Unitateko sarbideak kontrolatuz, eta kudeaketa-programa berri bat ere jarriko du.

Unetan egiten, instalazioak ere berritzen ari dira. Ekintza horien guztien helburua Josefina Arregui Klinika sektorean erreferente izaten jarraitzea da.

Proiektu berriak

Ángel Garnachal kudeatzaileak Klinikak abiarazitako proiektu berriak azaldu zizkion kontseilariari, garatu berri duten plangintza estrategikoaren ondorioz. Klinikak gauzatu nahi dituen proiektu berrien artean, Etxez etxeko Zerbitzua eta Erorikoen Unitatea daude. Hori esker, besteak beste, klinikaren hazkunde organikoa gauzatuko da, zerbitzuak dibertsifikatuz eta zabalduz, Klinika ekonomikoki erakunde jasangarria izan dadin.
Azkenik, adierazi behar da une honetan Josefina Arregui Klinika dela adinekoentzako plaza hitzartuak dituen zentroetako bat Eguneko Zentroetan, Nafarroako Gobernuko Eskubide Sozialetako Departamentuarekin hitzarmena eginik, 2018an onartutako Hitzarmen Esparru Akordioaren bidez. 4 urteko indarraldia du, eta Nafarroako hainbat herritako 12 zentrotan eguneko zentroko 120 leku hitzartzea ahalbidetu du.
Gaur egun, Josefina Arregui Klinikaren Eguneko Zentroan 19 leku daude finantzaketa publikoarekin. Horietatik 9 hitzartuak dira, eta 10, zerbitzuari lotutako prestazioa dute.
Argazkian honako hauek ageri dira: Joseba Arregui, Felipe Lecea Fundazioko presidentea; Mª Carmen Maeztu, Eskubide Sozialetako kontseilaria; Ángel Gardachal, Josefina Arregui Klinikako kudeatzailea; eta Inés Francés, Pertsonen Autonomiarako eta Garapenerako Nafarroako Agentziako zuzendari kudeatzailea.