Ibilaldia Irurtzunen egin zen, euri eta ekaitzen mehatxupean. Horren ondorioz, antolakuntzak segurtasun arrazoiengatik aurreikusitako ibilbidea aldatu behar izan zuen, eta bertan behera utzi ziren 110 km-ko eta 150 km-ko ibilbideak. Hala ere, izena emandako 1.500 parte-hartzaileetatik 926k hartu zuten parte 87 kilometroko ibilbide bakarrean, La Peluso Cycling Taldeak antolatutako proba ez-lehiakor honetan. Azkenean, 800 txirrindularik amaitu zuten proba, Goñi, Madoz eta Ihaben inguruan izan ziren zaparrada puntualak gorabehera, normaltasunez garatu zena.
Ibilaldia hasi aurretik, omenaldi hunkigarria egin zitzaion Ibai Azurmendi txirrindulari ohiari (Euskaltel-Euskadi), osasun arrazoiengatik iaz profesionaltasunetik erretiratu zenari. Halaber, 1986ko Reynolds talde mitikoko hainbat kidek ere aitortza jaso zuten, tartean Ángel Arroyo, Enrique Carrera eta Francisco Navarro Fuster. Ibai Azurmendi, Ángel Arroyo eta Joseba Arregui (Josefina Arregui Klinikako presidentea) arduratu ziren ibilbidearen hasiera ofiziala markatu zuen zinta mozteaz.
Txekearen entrega
Probari amaiera emanda, Santi Moreno antolatzaileak 4.912,20 euroko txekea eman zion Joseba Arreguiren eskura. “Klinikako kide guztien izenean, bihotz-bihotzez eskertu nahi diogu La Peluso ekimenari egindako ekarpen eskuzabala eta gure lanari emandako ikusgarritasuna. Aitortza hau egunero hobetzen jarraitzeko bultzada da guretzat,” azpimarratu zuen Arreguik.
Klinikako presidentearekin batera, Àngel Gardachal zuzendari gerenteak ere parte hartu zuen ibilaldian, ekitaldi solidario eta kirolari honetan pertsonalki bat eginez.
Josefina Arregui Klinikatik eskerrik beroenak eman nahi dizkiogu La Peluso Cycling Taldeari, baita izen-ematearen bidez edo beste edozein modutan lagundu duten parte-hartzaile guztiei ere. Euren laguntzari esker, adineko pertsonen arreta hobetzen lagunduko duen ekarpen hau posible izan da.
Erburua kalea z/g
948 563 850
info@josefinaarregui.com
Astelehenetik ostiralera: 09:00 – 16:30
