Egokitzapenak Etxean eta laguntza-produktuak

Etxea egokitzeko lanak egin nahi dituen pertsona orok, egungo edo etorkizuneko beharrak kontuan hartuta (adibidez, “urte batzuk barru, gehiago kostako zait bainuontzian sartzea eta erreforma aprobetxatuko dut dutxa-plater bat jartzeko”…), edo laguntza-produktuak erosi nahi dituenak (bainuontzirako aulki birakaria, ohe artikulatua,  taka-taka, komunerako edo oherako heldulekuak edo barrak…).

“Guztiontzako irtenbide orokorrak” aplikatzen ditugunean, arriskua izaten da gure etxean egindako egokitzapena eraginkorra ez izatea, nahiz eta diru asko inbertitu.

Aholkularitza-zerbitzua bereziki beharrezkoa da gaixotasunen baten bigarren mailako muga fisikoak dituzten pertsonentzat (artrosia, hausturen ondorioak edo iktusak…). Halakoetan, etxebizitza nahitaez egokitu behar da haien beharretara, bizitza independentea erraztuz:

• Etxetik ateratzen ez diren pertsonak, eskailerak igo/jaitsi ezin dituztelako.
• Oinarrizko jarduerak beren kasa egin ezin dituzten pertsonak, hala nola janztea, dutxatzea, ohetik jaikitzea edo baita elikatzea ere, beharrezkoak zaizkien egokitzapenak ez izateagatik: janztea edo dutxa errazteko tresnak, jateko tresnak (mota eta irtenbide desberdinak daude), ohetik berez jaikitzeko gailuak edo bainuontzia modu irisgarrian eta seguruan erabiltzeko gailuak (ez da beharrezkoa beti dutxa batekin ordezkatzea).
• Dementzia duten/ez duten pertsonak, ingurunea ez egokitzeagatik etxeko istripuak etengabe izaten dituztenak. Egoera horietan, bereziki garrantzitsua da espazioa antolatzea (batzuetan, ez da beharrezkoa obrak egitea), geure altzariak egokitzea edo mugikortasuna erraztuko duten gailuak erabiltzea (eskudelak igarobideetan…).
• Zentzumen-mugak dituzten pertsonak: ikusmena eta entzumena, batez ere.