Adostasuna talde parlamentario guztien aldetik Rural Domus proiektuari

 Fundación Caja Navarra-ren Innova programaren babesa du, bai eta Nafarroako Gobernuko Gizarte Eskubideen eta Enpleguaren Departamentuarena ere.

Aurkezpenaren ondoren, talde parlamentario guztietako bozeramaileek zoriondu zituzten bi erakundeak zaintza eredu berri hau garatzeagatik, eta ados agertu ziren eskaintzen dituen zerbitzuen beharraren inguruan, bi kolektibo zaurgarriri zuzenduta: mendekotasuna duten adinekoak eta haien familientzat, instituzionalizazioa saihesteko eta etxean jarraitzeko aukera emanez; eta zaintzaile kolektiboa, gehienetan landa eremuetan migratzaileek osatua eta prestakuntzarik gabe aritzen direnak, sarritan ekonomia informalaren baitan.

Aurkezpena PSNko parlamentari Olga Chuecak eskatu zuen, proiektuaren nondik norakoak talde parlamentario guztietara hurbiltzeko. Saioan parte hartu zuten, gainera, Rural Domus programako teknikari Rodrigo Palaciosek, HSJDko Gizarte-Sanitario Arloko arduradun Susana Martínezek eta proiektuko teknikari Loreto Velillak.

Gure komunitatearentzat giltzarria

Proiektua aurkezten hasi zen HSJDko zuzendari gerenteak eskerrak emanez, halako proiektu bat ezagutzera emateko aukera izateagatik, eta honela deskribatu zuen: “landa eremuko zaintza eredua eraldatzeko helburuz sortutako ekimena da Rural Domus, mendekotasuna duten adinekoak eta haien zaintzaileak erdigunean jarriz.”

Patricia Segurak adierazi zuen Rural Domus “etxean, ohiko ingurunean, duintasunez, kalitatez eta gertutasunez zaindua izateko gero eta handiagoa den eskariari” erantzuten diola, eta ikuspegi berritzaile, lankidetzazko eta ekonomia sozialarekin konprometitutik abiatzen dela.

Halaber, adierazi zuen aurkezpenak “gure komunitatearen orain eta etorkizunerako giltzarri den gai baten inguruan elkarrizketa instituzionala aberasteko balio” izatea espero duela: “zainketen sistema bidezkoago, humanoago eta iraunkorrago bat eraikitzea”.

CJAko zuzendariak azpimarratu zuen proiektua “zaintzak funtsezkotik abiatuz eraldatzeko deia” ere badela: pertsona, bere ingurunea eta eguneroko duintasuna. Gardachalek nabarmendu zuen zaintzea erronka bat dela, baina baita aukera bat ere “humanotik, entzunetik eta egunerokotasunetik berritzeko”.

Gainera, adierazi zuen “zaintza ona ez dela soilik baliabide gehiago izatea (nahitaezkoa den arren), baizik eta konekzio hobeak izatea: osasungintzaren eta gizartearen artean, publikoaren eta komunitarioaren artean, profesionalaren eta familiaren artean”. Eta defendatu zuen landa eremuko erronkak ez direla dagoeneko soilik landa eremukoak, eta Rural Domus eredua askoz gehiago dela: erreplikagarria, egokitua eta errealista da hainbat testuingurutan behar komunenei erantzuteko.

Proiektua: 32 pertsona zaintzan formatuak

Proiektuko teknikari Rodrigo Palacios saioan aurretik, bideo bat partekatu zen parlamentarioekin:
📹 Bideoaren esteka

Ondoren, Palaciosek proiektuaren fase nagusiak azaldu zituen, 2023ko ekainean hasi eta orain amaierako sei hilabeteko fasean dagoela:

• Bi eremuetako egoeraren diagnostikoa
• Proiektua oinarrizko gizarte zerbitzuei eta tokiko erakundeei aurkeztea, interes handia piztuz
• Zaintza eredua diseinatzea adituen panelean oinarrituta
• Zaintza eskola abiaraztea, urtebeteko formakuntza praktiko, egokitu eta malgua eskaintzea: 32 pertsona formatu dira, ziurtagiria eskuratuz, ofizialki egiaztagarriarekin bateragarria dena.

Nahiz eta proiektu pilotuaren helburua ez den lanpostu zuzenak ematea, egia da ikasleen erdiak baino gehiagok lan hobea lortu dutela edo lan bila hasi direla.

Gaur egun, Rural Domus egitasmoaren fasean hauek nabarmentzen dira:

• Zaintza ofizialeko egiaztagiriak lortzea
• Zaintzak koordinatzeko eta kudeatzeko tresna digitala ezartzea, arreta jasotzen duen pertsonaren zaintza historia barne hartuko duena
• Formatuen autoenplegua sustatzea ekonomia sozialaren bidez.

Amaitzeko, teknikariak proiektuaren indarguneak eta erronkak azaldu zituen urte eta erdiko eboluzioaren ondoren.

Zerbitzuen beharra

Galderen txandan, talde parlamentario guztiek eskerrak eman zituzten egindako lanagatik, eta interes handia erakutsi zuten proiektuarekiko. Adierazi zuten zerbitzu horien premia bereziki nabarmena dela landa eremuan, non gabezia handia dagoen.

Programa erreplikagarria eta moldakorra izateagatik goraipatu zuten, eta erakunde sustatzaileen lana txalotu zuten.

• PSNko Olga Chuecak interes berezia erakutsi zuen zaintzen kudeaketarako tresna digitalaren garapenean, eta galdetu zuen kopagoaren aukeraz eta ekonomia sozialari lotutako enpresa baten inguruan.
• EH Bilduko Javier Arzak adierazi zuen mendekotasunari lotutako lanak profesionalizatzeko beharra, eta landa eremuan formakuntza duten pertsonak aurkitzeko zailtasuna azpimarratu zuen. Egiaztagiri ofiziala eta enplegagarritasun maila interesgarriak iruditu zitzaizkion.
• Geroa Baiko Isabel Aramburuk proiektuaren gako positiboak aipatu zituen eta taldearen interesa adierazi zuen zaintzen kudeaketa digital berritzailean.
• Contigo-Zurekineko Carlos Guzmánek zaintzen sektorea prekarizatua dela nabarmendu eta egindako lana txalotu zuen.
• UPNko Raquel Garbayok proiektua aitzindari eta eraldatzaile gisa deskribatu zuen, eta sektorearen prekarizazioa eta proiektuaren ekarpena azpimarratu zituen.
• PPko Maribel García Malok egindako lana goraipatu zuen, komunitatearen ehuna sendotzen duelako, eta mendekotasuna duten adinekoen beharrak gero eta handiagoak direla nabarmendu zuen. Finantzaketaren banaketa eta Nafarroako Gobernuaren papera interesgai izan zituen.